Kitab: Xoşbəxtliyin səbəbləri.

Səkkizinci səbəb: Nəfsi hesaba çəkmək.

Nəfsi hesaba çəkmək insanın halını həqiqi surətdə üzə çıxardan bir əməldir.

İbn Əl-Qeyyim (Allah ona rəhmət etsin) demişdir: "Həqiqətən nəfsi hesaba çəkmək insanı qəbr əzabından xilas edən bir əməldir... Belə ki, insan axşam yatmaq istədiyində öz nəfsini hesaba çəkərək həmin gün nəyi qazandığını və nəyi uduzduğunu bilməli və Allaha səmimi tövbə edərək bu tövbə üzərində yatmalıdır və O, bunu hər gecə etməlidir." (Ər-Ruh kitabı)

Birinci: Öz nəfsini hesaba çək ki, sən bugün Allahın haqqını əda etdinmi?

İkinci: Valideynlərinin haqqını verdinmi? Evinin və övladlarının haqqını verdinmi?

Öz nəfsinə sual ver: Flankəs səni sevir. Nə üçün? Flankəs sənə nifrət edir. Nə üçün? Flankəs sənə nifrət edir, səndən qaçır və səninlə yoldaşlıq etmək istəmir. Nə üçün?

Öz nəfsini sadiqliklə və heç bir üzr axtarmadan hesaba çək.

Əgər Öz nəfsini sadiqliklə hesaba çəkərsənsə, sonra xətalarını xəta sayıb ondan uzaqlaşarsansa və savab əməllərində davamiyyətli olarsansa, bu zaman sənin üçün xoşbəxtlik qapılarından bir qapı açılar.

Bu artıq təcrübə olunmuş bir əməldir. Buna baxmayaraq bəzi insanlar nəfslərini hesaba çəkdiyi zaman, öz nəfslərinə üzrlər axtarmağa çalışırlar və həmişə günahı başqalarında görərək, özlərini günahsız hesab edirlər.

Xeyr, Çalış nəfsini hesaba çəkdiyin zaman sadiq ol! Əgər Allahu Təalə səndə sadiqlik görərsə, bu zaman sən Allahdan yalnız sevindirici şeylər görərsən.