TÖVHİD
1 - Tövhidin fəziləti
10. Əbu Zərr[1] (radıyallahu anhu) rəvayət edir
ki, Allah Elçisi salləllahu
aleyhi və səlləm demişdir: "Allah (Azzə və Cəllə) buyurur: "Kim yaxşı
bir əməl ilə (hüzuruma) gəlsə, ona on misli
qədər və əlavə (yeddi yüzə qədər və daha çox savab) verərəm. Kim
günah ilə gəlsə, ona (həmin) günaha bərabər əvəzini verərəm və ya bağışlayaram.
Kim Mənə bir qarış yaxınlaşsa, Mən də ona bir dirsək[2] yaxınlaşaram. Kim Mənə bir dirsək yaxınlaşsa, Mən də ona bir qulac[3] yaxınlaşaram. Kim Mənə doğru yeriyərək gəlsə, Mən də ona doğru yüyürərək gələrəm.
Kim Mənə heç bir şeyi şərik qoşmadan yer boyda günahla Mənimlə görüşsə, Mən də
(onun etdiyinin) misli qədər məğfirətlə onu qarşılayaram”.[4]
11. Əbu Səid əl-Xudri[5] (radıyallahu anhu) rəvayət edir ki, Allah Elçisi salləllahu aleyhi və səlləm demişdir: "Möminlərin Cəhənnəmə
girmiş qardaşlarına görə Rəbbləri ilə mücadilə etmələri sizdən birinizin dünyada haqq uğrunda mücadilə etməsindən daha şiddətli
olacaqdır. Onlar deyəcəklər: "Ey Rəbbimiz! Onlar bizim qardaşlarımızdır. Onlar
bizimlə namaz qılar, oruc tutar və həcc edərdilər, Sən isə onları Cəhənnəmə
saldın”. Allah buyuracaq: "Gedin və tanıdıqlarınızı oradan çıxardın!” Möminlər
gəlib onları görkəmlərindən tanıyacaqlar. Od onlardan kimisini baldırının
yarısına qədər, kimisini də topuğuna qədər bürüyəcəkdir. Möminlər də onları
(oddan) çıxaracaqlar. Onlar deyəcəklər: "Ey Rəbbimiz! Artıq Sənin bizə əmr
etdiyin kəsləri çıxartdıq”. Allah buyuracaq: "Qəlbində dinar ağırlında iman
olan kəsləri çıxardın!” Sonra isə: "Qəlbində yarım dinar ağırlığında”- hətta "zərrə
ağırlığında”- deyə buyuracaq”. Əbu Səid əl-Xudri (radıyallahu anhu) dedi: "Kim inanmırsa, bu ayəni
oxusun: "Şübhəsiz
ki, Allah Özünə şərik
qoşulmasını bağışlamaz,
bundan başqa (daha
kiçik günahları) isə
istədiyi kimsəyə bağışlayar. Allaha şərik qoşan
kəs iftira atmaqla böyük bir günah etmiş olur” (ən-Nisa,
48)”.[6]
|