Bazar, 19.05.2024, 05:44
Əssələmu aleykum, Qonaq | RSS

Abubakr.Ucoz.Ru

Saytın Menyusu
Ən çox baxılanlar
Statistika

Cəmi onlayn: 1
Qonaqlar: 1
İstifadəçilər: 0

Əsas səhifə » 2014 » Yanvar » 23 » Tövbənin fəziləti
22:34
Tövbənin fəziləti

Tövbənin fəziləti

Allahın Peyğəmbəri (salləllahu aleyhi və səlləm) demişdir: "Sizdən əvvəlki ümmətlərdən bir kişi doxsan doqquz adam öldürdü. Dünyada ən çox bilənin kim olduğunu soruşdu və ona bir rahibi göstərdilər. Onun yanına gəlib belə dedi: "Mən doxsan doqquz adam öldürmüşəm". Həmçinin, soruşdu: "Buna tövbə varmı?" O dedi: "Xeyr!" Həmin adam rahibi də öldürərək bununla sayı yüzə tamamladı. Sonra dünyada ən çox bilənin kim olduğunu soruşdu və ona bir alimi göstərdilər. Onun yanına gəlib yüz adam öldürdüyünü dedi. Həmçinin, soruşdu: "Buna tövbə varmı?" O dedi: "Bəli! Kim tövbə edənlə tövbəsi arasına girə bilər? İnsanların Uca Allaha ibadət etdikləri filan yerə get, onlarla birgə Allaha ibadət elə və öz torpağına qayıtma, çünki ora pis yerdir". O yola düşüb yolun yarısına çatmışdı ki, ölüm onu haqladı. Ona görə rəhmət və əzab mələkləri öz aralarında mübahisə etməli oldular. Rəhmət mələkləri dedilər: "O tövbə edərək qəlbi ilə Uca Allaha tərəf gəlmişdir.” Əzab mələkləri isə dedilər: "O həqiqətən heç bir xeyir iş görməmişdir". Onların yanına insan qiyafəsində bir mələk gəldi. Onu öz aralarında hakim təyin etdilər. O dedi: "Bu iki məsafəni (gəldiyi yerdən bura və buradan gedəcəyi yerə qədər) ölçün, hansına yaxın olarsa, ora da aiddir. Ölçdükdə onun gedəcəyi yerə yaxın olduğunu gördülər və onun ruhunu rəhmət mələkləri alıb apardılar". Qatədə Həsənin belə dediyini rəvayət edir: "Bizə deyildiyinə görə: "Bu adama ölüm gəlincə, o, sinəsiylə (həmin tərəfə doğru) sürünmüşdür".

Həmçinin, Peyğəmbər (salləllahu aleyhi və səlləm) demişdir: "Bir dəfə Allahın qullarından biri günah iş gördü və: "Ey Rəbbim, mən günah iş gördüm, məni bağışla!"- dedi. Rəbbi öz dərgahında buyurdu: "Mənim qulum bilir ki, onun günahları bağışlayan və onlara görə cəza verən Rəbbi vardır. Mən onu bağışlayıram". Bu adam Allahın istədiyi qədər (günah işlətmədən) yaşadıqdan sonra yenə günah iş gördü və: "Ey Rəbbim, mən yenə günah iş gördüm, günahımı bağışla!"- dedi. Allah buyurdu: "Mənim qulum bilir ki, onun günahları bağışlayan və onlara görə cəza verən Rəbbi vardır. Mən onu bağışlayıram". Bu adam Allahın istədiyi qədər yaşadıqdan sonra bir daha günah iş gördü və: "Ey Rəbbim, mən yenə günah iş gördüm, günahımı bağışla!"- dedi. Allah buyurdu: "Mənim qulum bilir ki, onun günahları bağışlayan və onlara görə cəza verən Rəbbi vardır. Mən onu üç dəfə bağışladım. (Bundan sonra) istədiyini edə bilər". Yəni insan günahlarına görə hər dəfə Allahdan bağışlanma dilədikdə Allah onu bağışlayır.

Başqa bir hədisdə Peyğəmbər (salləllahu aleyhi və səlləm) demişdir:
"İblis Rəbbinə dedi: "İzzətinə və Ucalığına and olsun! Nə qədər ki, Adəm övladlarının ruhları bədənlərindədir, mən onları azdırmaqdan əl çəkməyəcəyəm".
Allah buyurdu: "İzzətimə və Ucalığıma and olsun! Nə qədər ki, onlar Məndən bağışlanma diləyəcək, Mən onları bağışlayacağam!"

Muhamməd ibn AbdulVahhaba (rahimahullah) nəyə görə insanla döyüşülür və nəyə görə kişi təkfir olunur barədə sual verilib. Şeyx (rahimahullah) belə cavab verir: İslamın beş rüknu onlardan birincisi iki şəhadətdir (Əşhədu ən lə iləhə illəllah və əşhədu ənnə Muhəmmədən abduhu və rasuluh) sonra isə dörd rükndur - (namaz, zəkat, oruc, həcc ) - dörd rüknun vacibliyini iqrar edib onları səhlənkarlıqdan tərk edərsə, biz onunla dörd rükna əməl etsin deyə döyüşsək də onları tərk etdiyi üçün onu təkfir etmirik. Alimlər dörd rüknu inkar etmədən tənbəllikdən tərk edən barasində ixtilaf ediblər. Biz isə yalnız bütün alimlərin üzərində icma etdiyi şeyə görə təkfir edirik ki, bu da iki şəhadətdir. Yenə də həmin insana öyrətdikdən sonra təkfir edirik əgər bilib sonra inkar edərsə... 

Kitab: Addurarussaniyya fil acvibati annacdiyyə 1/102.
Macmu al fatava 7c-610,611 ci və İbn Rəcəbin Camiu alulum va alhikam kitabının 43-cü səhifəsinə bax.

Öz nəfslərini unudub başqaları ilə məşğul olanlara bir kəlmə söz:

Sələflərdən biri belə buyurub: "Allah (Subhənəhu va Təalə) Həccəc ibn Yusufun böyük günahlarına görə sizi hesaba çəkməyəcək, lakin sizin kiçik günahlarınıza görə sizi hesaba çəkəcək".

Şeyx İbrahim Ruheylinin "Kitab tövhidin şərhi" dərsindən bir fayda.

Kateqoriya: Faydalar | Baxılıb: 607 | Əlavə edib: abubakr | Reytinq: 0.0/0
Bütün kommentlər: 0
Добавлять комментарии могут только зарегистрированные пользователи.
[ Qeydiyyat | Daxil ol ]

Sayta daxil ol
Facebook`da səhifələr
• İslam Dininin mərtəbələri •



• İslama Devet •



• Hadith Of A Day •


«MƏDİNƏ» qrupu Facebook`da
MƏDİNƏ qrupuna 
daxil olun!
Axtarış
Kalendar
«  Yanvar 2014  »
B.eÇ.aÇərC.aCümŞnbBzr
  12345
6789101112
13141516171819
20212223242526
2728293031