1) Şiələr etiqad edirlər ki, Əli (Allah ondan razı olsun) məsum imamdır. Sonra görürük ki, o, öz
qızı Ummu Gülsümü (Həsən və Hüseynin doğma bacısını) Ömər ibn əl-Xəttaba (Allah ondan razı olsun) ərə vermişdir.
(Bu evliliyi
sübut edən şiə mənbələri: Kuleyni"əl-Kafi" də "Furu" da
(6/115), Tusi "Təhzibul-Əhkam"-da bəbu adədun-nisə (8/148) və (2
/380), yenə həmin müəllifin "əl-İstibsar" kitabı (3/356),
Mazandaraninin "Mənaqibi Ə`li Əli ibn Əbu Talib" kitabı (3/162),
Amilinin "Məsəliki l-Əfhəm" kitabı (Kitabun-Nikah, 1) və
"Mürtəza elmul-Mehdi fiş-Şafi" (səh 116), və ibn Əbul-Hədid
"Nəchül-Bəlağə"nin şərhi (3/124), və Ərdəbilinin
"Hədiyqatuş-Şiə" kitabı (səh 277), və əş-Şuştəri
"Məcəlisil-Muminin" (səh 76 və 82-də), Məclisi
"Biharul-Ənvar" (səh 621). Daha çox məlumat üçün bax: "Ömər
ibn əl-Xəttabın Əli ibn Əbu Talibin qızı Ümmü Gülsümlə evliliyi həqiqətdir –
iftira deyildir. Əbu Muaz əl-İsmailinin kitabı.)
Bu tarixi hadisə həqiqətdir və yuxarıda qeyd etdiyimiz mənbələrə dəyərli
düşüncə sahibləri baxa bilərlər ki, öz mənbələri bunu necə sübut edir. Yenə də
bunu vicdanlı və insaflı düşünənlərin ixtiyarına buraxırıq. Bu qaçınılmaz
həqiqət qarşısında şiə olan kəs iki şeydən birini demək məcburiyyətində qalacaq:
1) Ya deməlidir ki, Əli (Allah ondan razı olsun) məsum deyil. Çünki, öz qızını (onların etiqadına görə) kafirə ərə verib.
Bu isə o məzhəbin əsaslarıyla zidd gəlir və o deməkdir ki, Əli (Allah ondan razı olsun) məsum deyilsə,
Əlidən (Allah ondan razı olsun) başqa
imamlar da məsum deyillər.
2) Ya da deməlidirlər ki, Ömər (Allah ondan razı olsun) müsəlman olub. Ona görə də Əli Ömərlə
qohum olmağa razı olub. Bu iki cavab da insanı çaşqınlığa salır, elə deyilmi?
2) Şiələr bu qohumluq əlaqələri haqqında nə deyirlər
görəsən?
RAŞİDİ XƏLİFƏLƏRİN ƏLİ İLƏ QOHUMLUĞU HAQDA: (MÜXTƏSƏR)
ÖMƏR İLƏ ƏLİNİN QOHUMLUĞU: Əlinin qızı Ramlə ilə Müaviyə ibn Mərvanın
evliliyindən olan qızı ilə Ömərin oğlu Asim evlənmişdi. Əlinin Ummu Külsüm adlı
qızı ilə isə Ömərin özü evlənmişdi. Bu evlilikdən Ruqiyyə və Zeyd adlı iki
övlad dünyaya gəlmişdi.
OSMAN İLƏ ƏLİNİN
QOHUMLUĞU: Osmanın Ömər
adlı oğlunun oğlu Zeyd Hüseynin qızı Səkinə ilə evlənmişdi. Osmanın
oğullarından olan Əban isə Abdullah ibn Cəfər ət-Təyyarın (Əlinin qardaşı) qızı
Ummu Gülsümlə evlənmişdi və bu evlilikdən Mərvan dünyaya gəlmişdi. Osmanın Amr
adlı oğlunun oğlu (nəvəsi) Abdullah əl-Mutarrif isə Hüseyn ibn Əlinin qızı
Fatimə ilə (Həsən əl-Müsənnə onu boşadıqdan sonra) evlənmişdi. Bu evlilikdən
isə Məhəmməd əd-Diybə`c adlı oğlu dünyaya gəlmişdi.
ƏBU BƏKRLƏ
ƏLİNİN QOHUMLUĞU: Əbu Bəkrin
Əbdür-Rəhman adlı oğlunun qızı (Əbu Bəkrin qız nəvəsi sayılır.) Hafsa ilə
Əlinin oğlu Həsən evlənmişdi. Əbu Bəkrin eyni oğlunun soyundan olan Əsma adlı
nəvəsinin qızı (yəni, Əbu Bəkrin kötükcəsi) Fatimə (Ummu Fərva) ilə Məhəmməd
əl-Baqir evlənmiş və Cəfər əs-Sadiq dünyaya gəlmişdi.
FAYDA ÜÇÜN: Müaviyənin oğlu Mərvan isə Həsən əl-Müsənnənin qızı
Ummul-Qasim ilə evlənmişdi.
BURADA DİGƏR QEYD OLUNASI QOHUMLUQLAR DA VAR İDİ. HƏLƏ
BİZ MÜXTƏSƏR YAZDIQ. ALLAH MÜSƏLMANLARI İSLAH ETSİN. BU SƏHABƏLƏR BİR-BİRİNİ
ÇOX İSTƏYİRDİLƏR Kİ, ARALARINDA QOHUMLUQ ƏLAQƏLƏRİ VAR İDİ. ALLAH ONLARIN HAMISINDAN
RAZI OLSUN!
Məgər bunlar hamısı yalandır?
3) Kuleyni öz "əl-Kafi"
kitabında qeyd edir ki: "İmamlar özlərinin nə vaxt öləcəklərini
bilirlər və onlar yalnız öz ixtiyarları ilə ölürlər." (Bax: Kuleyninin "Usul-əl-Kafi"
kitabı, 1/258; Hurrul-Amilinin "Fusul-əl-Muhimmət" kitabı, səh 155)
Məclisi isə "Biharul-Ənvar"
kitabında hədis deyir ki: "Elə bir imam yoxdur ki, ya sui-qəsdlə,
ya da zəhərləndirilməklə öldürülməsin." (Eyni mənbə: 43/364) Kuleyninin və Hurrul-Amilinin də qeyd
etdikləri kimi əgər imam qeybi bilirdisə, o qarşısına qoyulan yemək və içməyi
də bilməli idi. Əgər zəhərli yemək idisə, bunu sezərək o yeməkdən çəkinməli
idi. Çünki, o bilirdi ki, yemək zəhərlidir! Buna göz yumursa, özünü öldürmüş
sayılır. Peyğəmbər (Allahın ona salavat
və salamı olsun) də bildirib ki, "özünü öldürən oddadır."
Görəsən şiələr imamlar üçün belə bir şeyə razı olarlarmı?
4) Kuleyninin "əl-Kafi"
kitabının birinci cildində əhli beytə Peyğəmbərin (Allahın ona salavat və salamı olsun) hədislərini rəvayət edən
şəxslərin və həmçinin əhli beytin sözlərini nəql edənlərin adları verilmişdir.
O adların içində bu adlar da var:
Mufaddal ibn Ömər, Əhməd ibn Ömər əl-Hələbi, Ömər ibn Əban, Ömər ibn Uzeynə,
Ömər ibn Əbdül-Əziz, İbrahim ibn Ömər, Ömər ibn Hanzala, Musa ibn Ömər,
əl-Abbas ibn Ömər ... Bu adların hamısında Ömər adı cəm olunub! İstər ravinin
öz adı olsun, istər də atasının adı olsun. Görəsən bu şəxslər niyə Ömər adıyla
adlandırılmışlar?
5) Əgər başı qana bulamağın, şəxsey-vaxseyin və sinəyə
vurmağın böyük əcri vardırsa, niyə İranlı əmmaməlilər başlarını qana bulamırlar?
6) Şiələr iddia edirlər ki, "Qədir-Xumda" olan minlərlə səhabə Peyğəmbərin (Allahın ona salavat və salamı olsun)
özündən sonra Əlini (Allah ondan razı
olsun) xəlifə təyin etməsi vəsiyyətini birbaşa Peyğəmbərdən (Allahın ona salavat və salamı olsun) eşidiblər.
Bəs nəyə görə o minlərlə səhabədən bir nəfər gəlib Əli üçün qəzəblənmədi? Nə
Əmmar ibn Yasir, nə Miqdad ibn Amr, nə də Səlman əl-Farisi gəlib demədi ki: Ey
Əbu Bəkr! Sən Peyğəmbərin (Allahın ona
salavat və salamı olsun) "Qədir-Xum"da
dediklərini bilə-bilə nə üçün Əlinin xilafətini əlindən alırsan? – demədilər.
Niyə görəsən?
7) Şiə mənbələrində belə ah-nalə, üz-göz cırıb fəryad
qoparmaq, vay-şivən qoparmaq, özünə zülm etmək qadağan olunduğu halda nəyə görə
onlar bunun əksini edirlər? Görəsən indi biz onların aşağıda qeyd etdikləri öz
hədislərinə inanaq, yoxsa deyək ki, mollanın dediyini elə, eləmədiyini eləmə?
Bu da şiələrin məşhur kitablarında olan rəvayətlərdən bəziləri:
Budur Şiə şeyxlərindən olan Məhəmməd ibnul-Hüseyn ibn Bəbaveyh əl-Qumi (Saduq
ləqəbiylə tanınır) demişdir: Peyğəmbərdən (Allahın
ona salavat və salamı olsun) əvvəl heç kimin söyləmədiyi kəlamlardan biri
budur: "Uca səslə ağlayıb fəryad qoparmaq cahiliyyə dövrünün
əməllərindəndir." (Mən lə
yəhduruhu əl-Fəqiyh, 4/271-72; Hurrul-Amili "Vəsailuş-Şiə", 2/915;
Yusif əl-Bəhrani "Hədaiqun-Nazira" 149/4; Həc Hüseyn Bərucərdi
"Camiu Əhadis-əş-Şiə" 3/488; Məclisi "Biharul-Ənvar"
82/103; "Ağlayıb vay-şivən qoparmaq cahiliyyə əməllərindəndir"
babında.)
"Furu əl-Kafi"də Kuleyni
rəvayət edir ki, Fatimə (Allah ondan razı
olsun) vəsiyyət edərək dedi: "Əgər mən ölsəm üzünü cırıb saçını yolma,
nə vay demə, nə də-fəryad qoparma." (Vəsailuş-Şiə 5/527)
Şiə alimləri Məclisi, əl-Nuri və Bərucərdi Peyğəmbərdən (Allahın ona salavat və salamı olsun) rəvayət edirlər ki O (Allahın ona salavat və salamı olsun)
belə buyurdu: "İki səs vardır ki, lənətlənmişdir və bu iki səs Allahı
qəzəbləndirir: Müsibət vaxtı fəryad qoparmaq və bəla zamanı olan səs; Yəni,
fəryad qoparmaq və səslənmək." (Məclisi
"Biharul-Ənvar" 82/103; Müstədrək əl-Vəsail 1/143-44; "Camiu
Əhadis-əş-Şiə" 3/488; "Mən lə yəhduruhu əl-Fəqiyh 2/271)
Bu babda hədis və rəvayətlər, təfsirlər çoxdur, biz bu qədəriylə kifayətlənib,
sual veririk: Nəyə görə şiələr haqq olan bu şeylərə müxalif olurlar? Görəsən
bu məsələdə Peyğəmbərə (Allahın ona
salavat və salamı olsun) və əhli beytə inanaq? Yoxsa əmmaməlilərə?
8) Məgər şiələr demirlərmi ki, Kuleyninin "əl-Kafi"əsərində olan
rəvayətlərin əksəriyyəti zəifdir və əlimizdə səhih olan yalnız Qurandır?! Sonra
özlərinin etiraflarından sonra necə iddia edirlər ki, onlarda əksər rəvayətləri
zəif olan Qurana təfsir sayılan ilahi təfsir kitabları var?
9) Qulluq
yalnız Uca Allaha olmalıdır. Yəqin ki, şiələr də buna inanırlar və
inkar etmirlər! Elə deyilmi? Bəs necə olur ki, onlar "qul" mənasında
olan "abd" sözünü "Abdul-Hüseyn", "Abdul-Əli",
"Abduz-Zəhra", "Abdul-İmam" deyə adlar qoyurlar? Bəs nəyə
görə imamlar öz övladlarının adlarını "Abdul-Əli və Abduz-Zəhra"
qoymayıblar? Sözün dəqiq mənası aydın olduğu halda bunu "fırladıb",
"Hüseynin (Allah ondan razı olsun)
şəhidliyindən sonra "Hüseynin
xidmətçisi" kimi demək doğrudurmu? Görəsən bu xidmətçi qəbirdə olana
yemək-içmək verir və ya dəstəmaz üçün su verir ki, ona xidmətçi olsun? Yoxsa,
bu ifrata varan şirk sevgisi gözləri elə bağlayıb ki, şirklərindən xəbərləri
yoxdur?
10) Əgər Əli (Allah
ondan razı olsun) bilirdisə ki, o Allah tərəfindən təyin edilmiş xəlifədir,
bəs niyə o Əbu Bəkrə, Ömərə və Osmana (Allah
onlardan razı olsun) xəlifə kimi beyət etdi.?!
Əgər desəniz: "o aciz
idi", onda deyərik ki, aciz insan imamlığa yaramır; Çünki, imamlığa
yalnız gücü çatan, qadir olan yarayır.
Əgər desəniz: O, bunu bacarardı. Lakin etmədi. Bu isə xəyanətdir.
Xain insan (Əli bu sifətdən uzaqdır)
imamlıq edə bilməz! Xainə rəiyyət etibar edilməz.
Əli isə bunların hamısından uzaqdır. Əgər doğru cavabınız vardırsa, görəsən o
nədir elə?
11) O zaman ki, Əli (Allah
ondan razı olsun) Xəlifə oldu özündən əvvəlki xəlifələrə xilaf olmadı,
onlarda olan Qurani-Kərimdən başqasını gətirmədi, onlardan heç birinin etdiyini
inkar etmədi. Əksinə, çoxsaylı sənədlərlə rəvayət olunub ki, Əli (Allah ondan razı olsun) minbərdən belə
deyirdi: "Bu ümmətin Peyğəmbərdən sonra ən xeyirlisi Əbu Bəkr və
Ömərdir." Sonra Əli siğəni də dəstəkləmədi. Fədəki də qaytarmadı,
Həcc vaxtı insanlara siğəni əmr etmədi, Əzanda "Həyyə alə xeyril-əməl" də dedizdirmədi, Əzandan "əsSalətu xeyrun minən-novm"
ləfzini isə sildirmədi? Niyə görəsən?
Əgər Əbu Bəkr və Ömər (onlara görə)
kafir idilərsə, xilafəti ələ keçirmişdilərsə, niyə görə Əli hakimiyyət əlində
olduğu halda bunu bəyan etmədi?! Əksinə görürük ki, o Əbu Bəkri və Öməri
tərifləyir. Niyə görəsən?
Hazırladı:
AbdusSalam
(QEYD: Bu sualların ardı olacaqdır inşəAllah, lakin, bütün bu
suallar təfriqəçilik üçün deyil, düşüncəli insanlara haqqı axtarmaq sahəsində
yardımçı suallardır, əgər haqqı istəyirlərsə. Allah bizə haqqı haqq, batili batil olaraq göstərsin. Amin!)
Ardı var inşəAllah.
