Bu, İslamla
qısa tanışlıq adlı kitabçanın mətnidir. Mətndə İslamın və İmanın əsasları haqda məlumat verilir. O İslamdan bixəbərlərə və İslamla yeni tanışlıq edənlərə daha çox dəyərlidir.
Rəhimli və Mərhəmətli Allahın adı ilə.
Öz rəhməti və fəziləti ilə qullarından istədiyi kəsi İslam dininə hidayət edən
və ondan üz döndərənləri isə öz hikməti ilə haqq yoldan azdıran Allaha həmd və
sənalar olsun.
Aləmlərə rəhmət və peyğəmbərlərin sonuncusu olaraq göndərilən Abdullahın oğlu
Məhəmmədə Allahın salavatı və salamı olsun.
Allah təala onu cəmi insanlara müjdəçi, öyüd-nəsihət verən, parlayan bir işıq
və Allahın yoluna təşviqatçı kimi göndərmişdir.
Allah təala buyurur: "Kim İslamdan başqa bir din ardınca gedərsə, (o
din) heç vaxt ondan qəbul olunmaz və o şəxs axirətdə zərər çəkənlərdən
olar." (Ali İmran, 85)
Allah təala bəyan etmişdir ki, İslamdan başqa hər bir din batil, rədd olunan,
həmin adam isə həlaka varan və xəsarət çəkəndir.
Məlum olduğu kimi əsrimizdə yaşayanların çox hissəsini qeyri-müsəlmanlar və
yolunu azmışlar; yəni: yahudilər, xaçpərəstlər, atəşpərəstlər, bütpərəstlər,
kommunistlər və Allaha şərik qoşan başqa tayfalar təşkil edir.
Allahın xeyrə yönəltdiyi, müsəlman etdiyi, bacarıq və aydınlaşdırmaq
qabiliyyəti verdiyi adama daha layiq olardı ki, insanları qənaətləndirmək və
Allahın qarşısında üzrxahlıq üçün, insanları İslama çağırsın və bu dini onlara
çatdırsın ki, bəlkə hidayət olunarlar.
Hər bir çağırışın önəmli hissəsi bu çağırılanın təsəvvür edilməsidir ki, bu
kitabça da bunun ən gözəl vasitəsidir, Allahdan istəyirəm ki, bu kitabçanı
faydalı etsin və onunla qapanmış qəlbləri, eşitməyən qulaqları, görməyən
gözləri açsın.
Biz müsəlmanların, bu dini yenicə qəbul edən qardaşları vardır ki, onların
İslam haqqında anlayişları azdır. Bu kitabça öz kiçik həcminə baxmayaraq
onların dini anlayışlarını artırmağa bir vasitə olar və Allahın izni ilə onlar,
öz İslam həyatlarını gözəl, qədəmləri sabit yaşayarlar. Onlar da bu haqq yolun
çağırışçısı olaraq hər kəsə bu dini çatdırarlar. Hər bir lütf Allahın əlindədir
onu istədiyinə verər. Aləmlərin rəbbi olan Allaha həmd və sənalar olsun.
Elmi araşdırmalar mərkəzi. "İslam"-la qısa tanışlıq.
Aləmlərin rəbbi Allaha həmd və sənalar, onun elçisi Məhəmməd peyğəmbərə, onun
ailəsinə və səhabələrinə (silahdaşlarına) Allahın salavatı və salamı
olsun.
İslam dini: "Allahdan başqa ibadətə layiq haqq məbud
yoxdur və Məhəmməd Allahın elçisidir." kəlməsini dillə deyib, qəlblə
təsdiq edib və əməldə tətbiq etməkdir. Bu, imanın altı əsasına, İslamın isə beş
əsasına əməl etməyi və bunlarda ehsanlı olmağı əhatə edir.
İslam dini ilahi risalələrin sonuncusudur. Allah onu peyğəmbərlərin sonuncusu
Abdullahın oğlu Məhəmmədə ona və ailəsinə Allahın salavatı və salamı olsun
nazil etmişdir və o yeganə haqq dindir ki, Allah ondan başqa heç bir dini qəbul
etmir.
Allah bu dini rahat, müyəssər, heç bir məşəqqət və çətinlik olmayan bir din
etmişdir. Bu dini qəbul edənə bacarmadığını vacib və taqəti çatmayan bir işi
məcbur etməmişdir.
Bu din: Əsası tövhid , şüarı doğruluq, təməli adillik, dayağı
haqq, şəfqəti bağışlamaq, insanları din və dünya xeyrinə yönəltmək, din və
məişətlərinə ziyan gətirən pis işdən çəkindirməkdir.
Allah bu dinlə əqidələri, əxlaqları, dünya və axirət həyatını islah,
parçalanmış qəlbləri və müxtəlif istəkləri birləşdirərək onları batil
zülmətindən xilas etmiş, haqqa və doğru yola yönəltmişdir. O, öz əhkamlarında
və xəbərlərində tam doğru və mükəmməl, məlumatları doğru və haqq, hökmü xeyir
və adil, ən doğru əqidə, mükəmməl əməl, gözəl əxlaq və yüksək ədəbə malik olan
bir dindir.
İslam dəvəti, adı çəkiləcək bəndlərin təhqiqinə çalışır:
1 - İnsanlara onları yaradanı və ruzi verəni gözəl adları və əzəmətli
sifətləri ilə, bunlarda onun heç bir bənzəri və oxşarı olmadığını, heç bir
şəriki olmayan hikmətli əməllərinı, onun ortağı olmayan haqqını çatdırmaq və
tanıtdırmaqdır.
2 - İnsanları Allahın quranda və peyğəmbərinin ona və ailəsinə Allahın
salavatı və salamı olsun sünnətində onların dünya və axirət səadəti üçün
qoyduğu qadağa və əmrləri yerinə yetirməklə, heç bir şəriki olmayan Allaha
ibadət etməyə çağırmaqdır.
3 - İnsanlara ölümdən sonrakı əhvallarını və talelərini, qəbirdə
üzləşəcəkləri, sonra qiyamət günü yenidən dirilib əməllərinə görə sorğu-sual
olacaqlarını, sonra xeyirdirsə xeyirlə (cənnətlə), şərdirsə şərlə (cəhənnəmlə)
cəzalandırılacaqlarını xatırlatmaqdır.
İslamın əsaslarının müxtəsər anlayışı.
Birinci: İmanın əsasları.
Birinci əsas: Allaha iman.
Allaha iman üç bənddən ibarətdir:
a – Allah təalanın rübubiyyətinə iman; yəni: Hər şeyi yaradan, idarə
edən, dolandıran və bütün xəlqinin işlərində tam hakim olduğuna iman
gətirməkdir.
b – Allah təalanın uluhiyyətinə iman; yəni: Haqq olan ilah odur və ondan
başqa hər bir məbud batildir.
c – Allah təalanın ad və sifətlərinə iman; yəni: Quranda və peyğəmbərin
ona və ailəsinə Allahın salavatı və salamı olsun sünnətində varid olan gözəl
ad, kamil və əzəmətli sifətlərə iman.
İkinci əsas: Mələklərə iman.
Mələklər, Allahın ehtiram edilən qullarıdırlar, Allah onları yaradıb, onlar da
Onun hüzuruna gəlir, Onun taətində olur və onların hər biri müxtəlif əməllərlə
mükəlləf edilmişlər, onlardan:
Cəbrayıl: Vəhy həvalə edilən mələkdir, Allahın istədiyi hər bir peyğəmbərə
və elçiyə Onun vəhyini nazil edir.
Mikayıl: Yağış və bitkilər həvalə edilən mələkdir.
İsrafil: Qiyamət günü insanları öldürmək və diriltmək üçün suru çalmaq
həvalə edilən mələkdir.
Ölüm mələyi: Ölüm ayağında can almaq həvalə olunan mələkdir.
Üçüncü əsas: Kitablara iman.
Allah təala peyğəmbərlərinə özündə hidayət, xeyir və yaxşılığı əhatə edən
kitablar nazil etmişdir. Bu kitablardan:
a – Allah təalanın Musa peyğəmbərə ona Allahın salavatı və salamı olsun
nazil etdiyi, israil övladlarının ən böyük kitablarından olan Tövrat.
b - Allah təalanın İsa peyğəmbərə ona Allahın salavatı və salamı olsun
nazil etdiyi İncil.
c - Allah təalanın Davud peyğəmbərə ona Allahın salavatı və salamı olsun
göndərdiyi Zəbur.
d - İbrahimin ona Allahın salavatı və salamı olsun Səhifələri.
e - Allah təalanın peyğəmbərlərin sonuncusu Məhəmmədə ona və ailəsinə
Allahın salavatı və salamı olsun nazil etdiyi Qurani Kərim. Allah təala bu
kitabla özündən əvvəlki kitabların səlahiyyətini ləğv etmiş və onun qorunmasını
öz üzərinə götürmüşdür. Ona görə ki, bu kitab ta qiyamət gününə qədər bütün
yaradılanlar üzərində əsaslı dəlil olaraq qalacaqdır.
Dördüncü əsas: Peyğəmbərlərə iman.
Allah təala öz yaratdıqlarına birincisi Nuh, sonuncusu Məhəmməd onlara Allahın
salavatı və salamı olsun olamaqla elçilər gondərmişdir. Bütün peyğəmbərlər
Məryəm oğlu İsa və Üzeyir peyğəmbər onlara Allahın salavatı və salamı olsun
daxil olmaqla hamısı yaradılmış bəşər övladlarıdır, onların Allahın
rübubiyyətində heç bir xüsusiyyətləri yoxdur, onlar da Allahın qullarıdırlar.
Sadəcə olaraq Allah onları elçiliklə şərəfləndirmişdir. Allah bütün risalələri
Məhəmməd peyğəmbərin ona və ailəsinə Allahın salavatı və salamı olsun risaləsi
ilə xətm etmiş və onu bütün insanlara göndərmişdir. Ondan sonra heç bir
peyğəmbər yoxdur.
Beşinci əsas: Axirət gününə iman.
Axirət günü: Allah insanları ya əbədi rahatlıq, cənnət neməti, ya da
şiddətli cəhənnəm əzabında qalmaq üçün qəbirlərindən dirildib çıxardaraq cəm
edəcəyi qiyamət günüdür.
Axirət gününə iman, öldükdən sonra baş verəcək hər şeyə: Qəbir imtahanı,
rahatlığı və əzabı, ondan sonra yenidən dirilmək, haqq-hesab, sonra isə ya
cənnət ya da cəhənnəm olacağına inanmaqdır.
Altıncı əsas: Qədərə iman.
Qədərə iman: Allahın bütün hər şeyi öncədən təyin etməsinə, məxluqatları
əzəli elmi və hikməti ilə yaratmasına, bütün bunların Allaha əzəli elmi ilə
məlum olmasına və lövhi-məhfuzda yazmasına inanmaqdır. Allah bunların hamısını
istəmiş və yaratmışdır. Onun istəyi və yaratması olmadan heç bir məxluq mövcud
ola bilməz.
İkinci: İslamın əsasları.
İslam beş
əsas üzərində qurulmuşdur. İnsan bunlara iman gətirib, onlara əməl etməyincə
həqiqi müsəlman olmaz. Bu beş əsas aşağdakılardır:
Birinci əsas: "Allahdan başqa ibadətə layiq haqq məbud
yoxdur və Məhəmməd onun elçisidir" kəliməsinə şəhadət vermək. Bu
şəhadət İslamın açarı və üzərində qurulan əsasıdır.
"Allahdan başqa ibadətə layiq haqq məbud yoxdur" kəliməsinin
mənası: Haqq olan ilah Odur və Ondan başqa hər bir ilah batildir. İlah
dedikdə hər bir ibadət olunan nəzərdə tutulur.
"Məhəmməd Allahın elçisidir" kəliməsinin mənası: Verdiyi
xəbərləri təsdiqləmək, əmrlərinə itaət etmək, çəkindirdiyindən və qadağan
etdiyindən çəkinmək və yalniz onun şəriəti ilə Allaha ibadət etmək deməkdir.
İkinci əsas: Namaz qılmaq.
O, gün ərzində beş vaxtda yerinə yetirilən beş namazdır. Allahın onu, qulların
üzərində olan haqqını yerinə yetirmək, verdiyi nemətlərə şükr etmək, müsəlmanı
pis və çirkin əməllərdən çəkindirmək üçün fərz buyurmuşdur. Namaz müsəlmanla
rəbbi arasında bağlılıqdır ki, onun əsnasında rəbbini çağırır və ona dua edir.
Namaz qılmaqla insan dini xeyrə, imanın islahına və Allahın geci-tezi verəcəyi
savaba nail olur . İnsan namaz vasitəsi ilə, onu dünya və axirətdə sevindirəcək
nəfsi və bədəni rahatlığı əldə edir.
Üçüncü əsas: Zəkat vermək.
Zəkat: İldə bir dəfə üzərinə vacib olmuş adamın, kasıblara və zəkat
götürməsi caiz olan adamlara verilən sədəqədir. Kasıbın malı nisaba (zəkat
həddinə) çatmasa zəkat onun üzərinə vacib olmaz. Dinlərinin tamamlanması,
əxlaq və əhvallarının artması, özlərindən və mallarından müsibəti dəf etməsi,
pisliklərdən təmizlənməsi, onlara möhtac olanlara kömək etməsi və ümumi
mənfəətləri qorumaq üçün varlı adamların üzərinə vacib edilmişdir. Buna
baxmayaraq bu Allahın onlara verdiyi malın və ruzinin müqabilində çox az
miqdardır.
Dördüncü əsas: Oruc tutmaq.
O, qəməri aylarının doqquzuncusu mübarək Ramazan ayında müsəlmanların fəcrin
doğmasından ta günəşin batmasına qədər yemək, içmək, cima etmək və bu kimi
şəhvətlərdən çəkinməsidir. Bunun müqabilində isə Allah onlara Öz rəhmətindən və
lütfündən verdiyi din və imanlarının tamamlanması, günahlarının bağışlanması,
dərəcələrinin qaldırılması və başqa bu kimi Allahın oruc tutana dünya və
axirətdə verdiyi çoxlu xeyirdir.
Beşinci əsas: Həcc etmək.
O, İslam dinində məlum olan müəyyən bir vaxtda xüsusi ibadəti yerinə yetirmək
üçün Allahın evi Kəbəni ziyarət etməkdir. Allah onu imkanı olan müsəlmana
həyatında bir dəfə vacib etmişdir. O gün, dünyanın hər yerindən müsəlmanlar yer
üzünün ən xeyirli yerində cəm olur, bir Allaha ibadət edir, eyni libas geyinir,
rəhbər və sıravi, varlı və kasıb, ağ və qara insan arasında heç bir fərq
olmadan müəyyən mərasimləri yerinə yetirirlər. Bu mərasimlərin ən əzəmətlisi
Arafada dayanmaq, müsəlmanların qibləsi olan şərəfli Kəbəni təvaf etmək, Səfa
və Mərva dağları arasında səy etməkdir. Bu ibadətdə sayı-hesabı bilinməyən
çoxlu din və dünya mənfəətləri vardır.
Üçüncü: Ehsan.
O, islam və imanla ibadəti elə
etməkdir ki, sanki Allahı görürsən, sən onu görməsəndə O səni görür, yəni; Sən
Onu şüuruna gətirirsən və bu əməl peyğəmbərin sünnətinə uyğun olmalıdır.
İslam dini adı çəkilən bütün məsələləri əhatə edir. Məlum olduğu kimi İslam
dini öz əhlinin həyatını fərdi və ya camaat şəklində tənzimləyərək onlar üçün
dünya və axirət səadətini təmin etmişdir. Onlara evlənməyi mübah edərək ona
rəğbətləndirmiş, zina, uşaqbazlıq və başqa pis işləri haram etmiş, qohumluq
əlaqələrini kəsməməyi, kasıb və fağırlara şəfqət göstərmək və kömək etməyi
vacib etmiş, yaxşı əxlaqa rəğbətləndirmiş və vacib etmiş, pis və alçaq əxlaqdan
çəkindirmiş, ticarət və ya icarə yolu ilə əldə olunan gözəl qazancı mübah
etmişdir. Haram, riba, aldatmaq və yalan üzərində qurulmuş hər bir ticarətdən
çəkindirmişdir.
İslam dini insanların onun qanunlarına riayətində fərqliliyini və başqalarının
hüquqlarını qorumağı nəzərə alaraq, Allahın haqqı ilə bağlı olan hüquqlarda
təcavüz edənlərin qarşısını almaq üçün müəyyən cəzalar təyin etmişdir.
Məsələn: Mürtəd olanlara, zina edənlərə, içki içənlərə və s. Həmçinin
insanların qan, mal və namus hüquqlarını qorumaq üçün hər bir edilən cəriməyə
uyğun olan cəzalar təyin etmişdir. Məsələn: adam öldürmək, oğurluq etmək,
günahsız adama iftira atmaq, vurmaq, əziyyət vermək, haqsız yerə başqasının
malını götürmək və s. İnsanlarla rəhbərlər arsında olan əlaqələri tənzim
edərək, məhdudiyyət qoyaraq Allaha qeyri asilikdə hakimlərə itaət etməyi vacib
və onlara qarşı çıxmağı isə haram etmişdir. Çünkü hakimlərə qarşı çıxmaqda
çoxlu ümumi və xüsusi fəsadlar vardır.
Sonda onu deyə bilərik ki, İslam dininin hərtərəfli kamilliyi və gözəlliyi,
Allahla bəndə, insanla ictimaiyyət arasındakı doğru əməl və əlaqələrin
qurulmasını özündə cəm etməsi, xeyirli əxlaq və əməllərə yönəldib sövq etməsi
və hər bir şər əxlaq və əməldən çəkindirib qadağan etməsidir.
Aləmlərin rəbbi Allaha Həmd və sənalar olsun!
Hazırladı: AbdurRahim Muradlı
|